> साहित्य सृजना > कोभिड महामारी


कोभिड महामारी

प्रतीक्षा के.सी

कोभिड–१९ नाम यसको रे
कोरोना भाइरस आयो रे
चिनबाट जन्म भई धेरै मानिस खायो रे
कहिले हट्छ पनि थाहा छैन रे
कसरी निको हुन्छ पनि थाहा छैन रे ।

 

कोभिड–१९ भन्छन्
वैज्ञानिक जमाना भन्छन्
कोभिड के हो कुनै वैज्ञानिकलाई अत्तोपत्तो छैन
काम सबै ठप्प छ
हात मुख जोड्न कठिन छ
भन्न थाले अब नखाइ ब्रत बस्नु पर्छ ।

 

कोभिड–१९ कस्तो आयो
ठुलो महामारी बनेर छायो
हैरान पार्याे स्कुल नखुलेर
अब खुल्ला कि भन्यो खुल्दैन
मार्न लागे दिन्न सारी सारी
ज्यान कसरी बचाउने हो
ज्ञान कसरी बढाउने हो ?

 

सरकार भन्छ स्कुल बन्द
वैदेशिक नाका खुलाउ
वैकल्पिक विधि चलाऊ
अनलाइन क्लासमा विद्यार्थीलाई भुलाऊ
गरिब देशका गरिब जनता छैन मोबाइल नेट
कसरी पढ्नु अनलाइन क्लास ए सरकार गाउँ हेर ।

 

खुलेका छन् अन्य क्षेत्र व्यापार चलेकै छ
हाम्रो स्कुल मात्र किन सधैँभरि बन्द
नपढेरै पास हुन्छौ पढ्नु किन पर्यो भन्छन्
बुद्धि भयो मन्द हजुर
स्कुल हुँदा बन्द ।

 

बन्नु थियो
एकदिन असल मानिस
बन्नु थियो
एक विद्वान् मान्छे
सपना पुरा हुन्छ कि हुँदैन
पक्कै पूरा होला
कोभिड–१९ बाट बाँचे ।

 

टुङ्गो छैन पढाइको
न टुङ्गो छ परीक्षाको
होटल रेस्टुरेन्ट चलेको छ
यातायात नि चल्छ
तेलविनाको दियो
आफै खै कसरी जल्छ ?

 

तीन साल भयो यो कोरोना
आउँछ फर्की फर्की
इष्टमित्र साथीभाइ हिँड्छन् तर्की
काले गोरे रिठ्ठे माइला
कोभिडले लग्यो
विश्वभरि अनौठाका
हाहाकार पार्यो ।

 

अरू के हो थाहा छैन
खोसो सबको चैन
शिक्षा क्षेत्र डामाडोल भो
हाम्रो विचल्ली भो ।

 

ड्रिम १०० ले आयोजना गरेको जिल्ला स्तरीय कविता प्रतियोगितामा प्रतीक्षा के.सी.ले लेख्नुभएको यस कविताले तृत्तिय स्थान हासिल गरेको हो । के.सी. उमामहेश्वरी माध्यमिक विद्यालय प्युठानमा कक्षा १० मा पढ्नुहुन्छ ।  ड्रिम १०० ले असहाय बालबालिकाको उच्च शिक्षा अध्ययनका लागि सहयोग समेत गर्दै आएको छ ।

Leave a Reply

Your email address will not be published. Required fields are marked *