> साहित्य सृजना > गजल ! नछोएरै बाँधिएका, हात खोइत प्रिया ?


गजल ! नछोएरै बाँधिएका, हात खोइत प्रिया ?

लोकेन्द्र जि.सी.
गौमुखी मा बि ठूलाबेसी
प्युठान

नछोएरै बाँधिएका, हात खोइत प्रिया ?
जुन बिछ्याइ सुतेका ती, रात खोइत प्रिया ?

 

 

मुटुभरी प्याला प्याला, पिएको त्यो प्रेम,
किन छोड्छ यति छिटै, मात खोइत प्रिया ?

 

 

सुर्य बनी बल्दा मायाँ, तिमी थियौ छायाँ,
छायाँ पनि टाढिएछ, साथ खोइत प्रिया ?

 

 

अंगालोमा कसिएर, हृदय नै पखालेर,
साटिएका मिठा मिठा, बात खोइत प्रिया ?

 

 

मायाँ जलप लगाएर, तिम्रो नाममा पठाएका,
पृतका ती बहुमुल्य, सौगात खोइत प्रिया ?

 

 

मायाँको धुन भर्दै, आकासका तारा गन्दै
मुख जोडि बजाएका, पात खोइत प्रिया ?

Leave a Reply

Your email address will not be published. Required fields are marked *