सुरेशकुमार पाण्डे
आफ्नै देश नाङ्गेझार पार्न थाले नेताले,
लडेर आपसमै बोली बार्न थाले नेताले।
कम्युनिष्ट भन्छन आफुलाई लाज छैन,
आफ्नो बर्ग लडाएर मार्न थाले नेताले।
समतामुलक समाजवाद त भाषन मात्रै,
जनता लाई शंघर्षमा झार्न थाले नेताले।
नेतालाई देश जनताको कुनै चिन्ता छैन,
आफ्नो भबिश्य नै निखार्न थाले नेताले।
हामि त होँचा भएपनि वीर बहदुर थियौँ,
अब त बिलायति बिउ सार्न थाले नेताले।
बिदेशीहरु बिस्तारै धुरीमाथि पुगि सक्दा,
जाति क्षेत्रमा सन्तान पछार्न थाले नेताले।
सेते ले पनि नियाली रहेकोछ बिदेश बाटै,
नीजी स्वार्थमा युद्धमै उतार्न थाले नेताले।
