सुरेशकुमार पाण्डे
सबैलाई दँसै आयो तिहार पनि आयो,
गरिब लाई रिणको झमार पनि आयो ।
काम-दाम छैन के खाम केलाम भा छ,
हाम्रो खुसि काट्ने औजार पनि आयो ।
घर कुरेर बसेकाछन फर्किएन परदेशी,
बरु देश लाई बेचने गद्धार पनि आयो ।
नाना फाटो भोकै पेट रुन्छन बच्चाहरु,
साहुको रिणमा झनै उभार पनि आयो ।
अबत मेलापर्वहरु धनमानका भएछन,
गिफ्ट सुन चाँदीका सिङ्गार पनि आयो ।
गरिबलाई घाँस दाउरा भरीया बनाएर,
नेतालाई दँसैमा नयाँ कार पनि आयो ।
अब फेरी दशैपर्वकै रुपमा गरीब रुन्छ,
किन फेरी पसिनामै ब्यपार पनि आयो ।
