प्यूठान, ९ असार । प्यूठान खलंगामा क्वारेन्टाईनमा बस्दै आउनुभएकी एक महिला सुत्केरी हुनुभएको छ । जनजागृती मा.वि. क्वारेन्टाईनमा रहनुभएकी २० वर्षिय सिता खड्काले छोराको जन्म दिनुभएको हो ।
आज विहान प्राथमिक स्वास्थ्य केन्द्र खलंगामा खड्काले छोराको जन्म दिनुभएको मल्लरानी गाउँपालिका स्वास्थ्य शाखा प्रमुख पारस शाहीले जानकारी दिनुभयो । आम र शिसुको स्वास्थ्य अवस्था सामान्य रहेको र स्वाव संकलनको तयारी भैरहेको उहाँले बताउनुभयो ।
असार १ गते भारतबाट आई गाउँपालिकाले बनाएको क्वारेन्टाईनमा बस्दै आउनुभएको थियो ।
यस अघि नेरा आधारभुत विद्यालय गोगनपानी फोप्ली क्वारेन्टाईनमा एक महिला सुत्केरी हुनुभएको थियो ।
