> खेलकुद > कोरोना कहरमै डर्टमण्डको फराकिलो जित


कोरोना कहरमै डर्टमण्डको फराकिलो जित

ऐजेन्सी– विश्वभर महामारीको रुपमा फैलिएको कोरोना भाइरस (Covid19) ले प्रभावित बनेको फुटबल दुई महिनापछि मैदान पर्किँदा जर्मन लिग बुण्डेशलिगामा शनिबारदेखि फेरि शुरु भएको फुटबलमा बोरुसिया डर्टमण्डले विजयी सुरुवात गरेको छ ।

खेलमा पहिलो गोल गर्ने खेलाड एर्लिन हालान्ड बन्नु भएको छ ।  डर्टमण्डका लागि राफेल गुईरेरियोले दुई गोल र थोर्गन हाजार्डले एक गोल गर्नुभएको भयो ।  खेलको २९ औं मिनेटमा हालाण्डले गोल गर्दै डर्टमण्डलाई सुरुवाती अग्रता दिलाउनु भएको थियो । खेलको ४५ औं मिनेटमा राफेलले गोल गर्दै डर्टमण्डलाई पहिलो हाफमा २-० को अग्रता दिलाउनु भएको थियो ।

दोस्रो हाफमा पनि डर्टमण्डले थप दुई गोल गर्यो । खेलको ४८ औं मिनेटमा हाजार्डले गोल गर्दा डर्टमण्ड ३-० ले अघि रह्यो । त्यसपछि खेलको ६३ औं मिनेटमा राफेलले व्यक्तिगत दोस्रो गोल गर्दै डर्टमण्डलाई ४-० को सहज जित दिलाउनु भएको हो । ९० मिनेटको खेल सकिएपछि डर्टमण्डका खेलाडीले स्ट्याण्डतिर हेरेर खुशियाली मनाए तर त्यहाँ दर्शक भने थिएनन् ।  शान्त रंगशाला । खेलअघि खेलाडीले हात मिलाएनन् । दर्शकले भरिने स्ट्याण्ड पूरै खाली थियो । बेन्चमा बसेका खेलाडी र प्रशिक्षकले मास्क लगाएका थिए ।

जितपछि डर्टमण्डले २६ खेलबाट ५४ अंक जोड्दै शीर्ष स्थानको वायर्न म्युनिखसंग अंक दूरी १ मा झारेको छ । एक खेल कम खेलेको वायर्नको ५५ अंक छ । वायर्नले आइतबार युनियन बर्लिनसंग खेल्दैछ ।

Leave a Reply

Your email address will not be published. Required fields are marked *