प्युठान । एसियन हाप्किडो च्याम्पियनसिपमा कास्य पदक जित्न गुमान घर्ती मगरलाई सम्मान गरिएको छ ।
नैबहिनी गाउँपालिका वडा नम्बर १ स्याउलिवाङका घर्ती मगरलाई नेपाल मार्सल आर्ट्स हाप्किडो संघ प्युठानले आज एक कार्यक्रमका बीच सम्मान गरेको हो ।
जिल्लाका विभिन्न डोजाङ्ग का करिव २०० विद्यार्थी सहभागीतामा र्यालि सहित घर्तीलाई सम्मान गरेको मार्सल आर्टस हाप्किडो संघ प्युठानका अध्यक्ष टेकराज केसिले जानकारी दिनुभयो ।
हाप्किडो संघ प्युठानका प्रमुख प्रशिक्षक हिरा बहादुर रानाले गुमानले प्राप्त गरेको पदकले अरु खेलाडीलाई समेत खेलप्रति जागरुक बनाएको बताउनुभयो ।
कार्यक्रमको सहजीकरण नेपाल मार्सल आर्टस हाप्किडो संघ प्युठानका उपसचिव यमराज पाठकले गर्नुभएको थियो ।
