प्यूठान, ३ साउन । जिल्ला प्रहरी कार्यालय प्यूठानमा एक आर्थिक वर्षमा १८१ वटा मुद्धा दर्ता भएका छन् ।
आर्थिक वर्ष २०७६÷०७७ मा जिल्लाभर विभिन्न घटनामा १८१ मुद्धा दर्ता भएका हुन् ।
प्रहरीका अनुसार कर्तव्य ज्यान ५, ज्यान मार्ने उद्योग १, लागु औषध १, आत्महत्या ६२, पशुपंछी सम्वन्धी कसुर(गौवध) १ रहेका छन् ।
त्यसैगरि बहु विवाह ६, बालविवाह १, जबरजस्ती करणी १८, जबरजस्ती करणी उद्योग ४, सार्वजनिक हित र नैतिकता विरुद्धको कसुर ७९, जातिय छुवाछुत तथा भेदभाव २ र जुवा सम्बन्धी कसूर १ रहेको प्रहरी कार्यालय प्यूठानले जनाएको छ ।
