प्यूठान । माण्डवी गाउँपालिका-२ रातापानीमा शनिवार बिहान मृत अवस्थामा फेला परेका दम्पत्तीको हत्या आशंका गरिएको छ ।
६० वर्षीय रामबहादुर परियार र ५६ वर्षीया हुकुमा परियार घरको कोठाभित्र मृत अबस्थामा फेला परेको जिल्ला प्रहरी कार्यालय प्यूठानका प्रहरी निरीक्षक निरन्जन रिजालले जानकारी दिनुभयो ।
दुवैको टाउकोमा चोट देखिएको छ । मृत्त फेला परेका दम्पतीको हत्या आशंका गरिएको छ ।
घटनाको अनुसन्धानका लागि भैरहवाबाट तालिम प्राप्त कुकुर ल्याउन लागिएको अनुसन्धानमा खटिएका प्रहरी निरीक्षक केशब के.सिले बताउनुभयो ।
घटनाको अनुसन्धानका लागि जिल्ला प्रहरी कार्यालय प्यूठानका प्रहरी प्रमुख प्रहरी नायब उपरीक्षक दिपेश बस्याल र प्रहरी निरीक्षक केशव केसी सहितको अनुसन्धान टोली खटिनुभएको छ ।
प्रहरीलाई आज दिउसो साढे १२ बजे मात्र घटनाको जानकारी प्राप्त भएको प्रहरी निरीक्षक रिजालले बताउनुभयो ।
