प्यूठान । स्वर्गद्वारी दर्शन गरी फर्किदै गरेको जीप दुर्घटना भएको छ । लु ३ च ३५३ नम्वरको जीप दुर्घटना हुँदा एक महिलाको मृत्यु भएको जिल्ला प्रहरी कार्यालय प्यूठानले जनाएको छ ।
मृत्यु हुनेमा मायादेवी गाउँपालिका-३ की ३२ वर्षीया गुडिया ठाकुर रहेको बताइएको छ । डिएसपी सत्यनारायण थापाले भिंंगृ भन्दा एक किलोमिटर माथी ओरालोमा ब्रेक फेल भएर दुर्घटना भएको प्यूठान समाचारलाई बताउनुभयो ।
दुर्घटनामा १६ जना घाईते भएका छन् । घाईतेमध्ये ९ जनालाई थप उपचारका लागि भैरहवा पठाइएको छ । जीपमा सवार यात्रु सवै भैरहवाको भएको प्रहरीको भनाई छ ।
