प्यूठान, २६ असार । कोपा अमेरिका ४७ औं संस्करण अन्र्तगत उपाधिको लागि अर्जेन्टिना र ब्राजिल आइतवार विहान ५ः४५ भिड्ने भएका छन् ।
दक्षिण अमेरिकाका १० टिम सहभागी प्रतियोगितामा ब्राजिल र अर्जेन्टिना अपराजित बन्दै फाइनल पुगेका हुन् । ब्राजिल र अर्जेन्टिना १४ वर्षपछि कोपा अमेरिकाको फाइनल आमन सामने हुने भएका छन् ।
अहिलेसम्म २८ पटक फाइनल खेल्दा अर्जेन्टिना १४ पटक च्याम्पियन र १४ पटक नै उपविजेता बनेको छ । यस्तै २० पटक फाइनल पुगेको ब्राजिलले ९ पटक उपाधि जित्दा ११ पटक उपविजेता बनेको छ । जसमा ८ पटक अर्जेन्टिनासँग नै पराजित भयो भने दुई पटक उरुग्वे र एक पटक पाराग्वेसँग पराजित भएको छ ।
तेस्रो स्थानको लागि विहान भएको खेलमा कोलम्बियाले पेरुलाई ३–१ ले हराएर आफ्नो स्थान सुरक्षित गरेको छ ।
जारी कोपा अमेरिकामा दुवै टिमको अवस्थाः
अर्जेन्टिनाको नतिजा
विरुद्ध चिली १-१ को बराबरी
विरुद्ध उरुग्वे १-० को जित
विरुद्ध पाराग्वे १-० को जित
विरुद्ध बोलिभिया ४-१ को जित
क्वाटरफाइनल
विरुद्ध इक्वेडर ३-० ले विजयी
सेमिफाइनल
विरुद्ध कोलम्बिया ३-२ ले विजयी (पेनाल्टी सुटआउट)
ब्राजिलको नतिजा
विरुद्ध भेनेजुएला ३-० ले विजी
विरुद्ध पेरु ४-० ले विजयी
विरुद्ध कोलम्बिया २-१ ले विजयी
विद्ध इक्वेडर १-१ को बराबरी
क्वाटरफाइनल
विरुद्ध चिली १-० ले विजयी
सेमिफाइनल
विरुद्ध पेरु १-० ले विजयी
