प्यूठान, ६ कात्तिक । स्वर्गद्वारी नगरपालिका नगरकार्यपालिकाको कर्मचारीलाई कोरोना देखिएपछि नगरकार्यपालिकाबाट प्रदान गरिने सेवा बन्द गरिएको छ ।
नगरपालिका स्तरीय कोभिड संकट व्यवस्थापन केन्द्रको कात्तिक ६ गते बसेको बैठकले कात्तिक १५ गतेसम्म नगरकार्यपालिकाबाट प्रदान गरिने सेवा बन्द गर्ने निर्णय गरिएको नगरपालिका स्वास्थ्य संयोजक दल बहादुर के.सीले जानकारी दिनुभयो ।
संक्रमण थप फैलिन नदिन र संक्रमितको सम्पर्कमा आएका कर्मचारीहरुलाई क्वारेन्टाइनमा बस्नुपर्ने भएकोले बन्द गर्ने निर्णय गरिएको उहाँको भनाई छ ।
