> Banner > प्यूठानमा सबै प्रकारका व्यवसाय ६ घण्टा खुल्ने


प्यूठानमा सबै प्रकारका व्यवसाय ६ घण्टा खुल्ने

प्यूठान, १८ भदौं । कोरोना भाईरस (कोभिड १९)को संक्रमण नियन्त्रण तथा रोकथामका लागि जारी गरिएको निषेधाज्ञा परिमार्जन सहित थप एक साता लागु हुने भएको छ । बन्दाबन्दीको यो समय अव भदौं २५ गतेसम्म जारी रहनेभएको छ ।

आज बसेको जिल्ला कोभिड संकट व्यवस्थापन समिति (डिसिसिएमसी)ले विहान र साँझ तीन/तीन घण्टा सबै प्रकारका व्यापार व्यवसाय खोल्ने निर्णय गरेको हो ।

विहान ७ बजेदेखि १० बजेसम्म र साँझ ४ देखि ७ सवै प्रकारका व्यवसाय संचालन गर्ने निर्णय भएको सहायक प्रमुख जिल्ला अधिकारी गौरव पन्थीले जानकारी दिनुभयो ।

समितिले स्वास्थ्य मापदण्ड पुरा गर्दै अनावश्यक हिडडुल नगर्न आग्रह समेत गरेको छ । यस अवधिमा नीजि तथा सार्वजनिक सवारी सधान पूर्ण रुपमा बन्द हुनेछन् ।

भदौं १२ गतेदेखि जारी बन्दाबन्दीको समय आज राती १२ बजेदेखि सकिन लागेको थियो ।

One thought on “प्यूठानमा सबै प्रकारका व्यवसाय ६ घण्टा खुल्ने

Leave a Reply

Your email address will not be published. Required fields are marked *