प्युठान । मल्लरानी गाउँपालिका-४ खलंगा निवासी राजेन्द्र श्रेष्ठले आफ्नो श्रीमतीको स्मृतिमा अक्षयकोष स्थापना गर्नुभएको छ ।
श्रेष्ठले प्युठान क्याम्पस खलंगामा ५० हजार रुपियाँको स्व.सुशिला योगी श्रेष्ठ छात्रवृत्ति अक्षयकोष स्थापना गर्नुभएको हो ।
सुशीलाको कोरोनाका कारण ज्यान गएको थियो । उहाँको दोस्रो वार्षिक स्मृतिको दिन शुक्रबार क्याम्पसको खातामा रकम जम्मा गर्नुभएको हो ।
क्याम्पस प्रमुख कल्पना खड्काले उक्त कोषबाट प्राप्त ब्याजको रकमबाट उत्कृष्ट अंक हासिल गर्ने छात्र- छात्रालाई २ हजार रुपियाँको दरले छात्रवृत्ति प्रदान गरिने बताउनुभयो ।
खलंगा सरोकार समुहको पहलमा श्रेष्ठले उक्त कोष स्थापना गर्नुभएको संयोजक मनोज कुमार श्रेष्ठले जानकारी दिनुभयो । उहाँले खलंगा र मल्लरानी क्षेत्रको बिकासमा दाताहरूले सहयोग गर्दै आएको समेत बताउनुभयो ।
