माधव खनाल
अर्घाखाँची । अर्घाखाँचीमा आगोलागीमा परि मृत्यु हुने ४ जनाको एकै घाटमा सामुहिक अन्त्यष्टि गरिएको छ ।
भुमिकास्थान नगरपालिका वडा नम्बर २ निवासी मृतक ३५ वर्षीय पदम बेल्बासे ,७२ वर्षीय पिताम्बर भुसाल, ५२ वर्षीय घनश्याम बेल्बासे,३६ वर्षीय माधब बेल्बासेको बिहिबार दिउँसो खाकावेसी खोलाको बागमारे घाटमा सामुहिक रुपमा अन्तिम दांहसंस्कार गरिएको हो ।
पदम बेल्बासे ,पिताम्बर भुसालको पाल्पाबाट रिफर गरि काठमाडौं लैजादै गर्दा बाटोमै मृत्यु भएको थियो भने घनश्याम बेल्बासे र माधब बेल्बासेको कृर्तिपुर अस्पताल काठमाडौमा उपचारको क्रममा मृत्यु भएको थियो ।
घाईते २५ बर्षिय संगिता बेल्बासेको पाल्पा मिशन अस्पतालमा उपचार भैरहेको छ । मृतकका घरपरिवारलाई जिल्ला प्रशासन कार्यालय अर्घाखाँचीले जनही ५० हजारका दरले राहत उपलब्ध गराएको छ ।
यस्तै भुमिकास्थान नगरपालिकाले पनि मृतकका घरपरिवारलाई जनही ५० हजारका दरले राहत उपलब्ध गराउने निर्णय गरेको छ । दांहसंस्कारका लागि बिहिबार दिउँसो खाकावेसी खोलाको बागमारे घाटमा १ हजार भन्दा बढि नागरिकको सहभागीता रहेको थियो । उक्त घटनाले सिङ्गो जिल्लानै शोकाकुल भएको छ ।
