अर्घाखाँची । भूमिकास्थान नगरपालिका-२ तिरतिरेमा आगो निभाउने क्रममा जलेर घाइते भएका मध्ये ४ जनाको मृत्यु भएको छ ।
मंगलवार दिउँसो स्थानीय पदम वेल्वासेको घरमा आगो निभाउने क्रममा घाइते भएका ७२ वर्षीय पीताम्बर वेल्वासे, ५५ वर्षीय पदम वेल्वासे, ५२ वर्षीय घनश्याम वेल्वासे र ३६ वर्षीय माधव वेल्वासेको उपचारको क्रममा ज्यान गएको हो ।
सो आगलागीमा परी घाइते भएकालाई जिल्ला अस्पताल सन्धिखर्कमा प्राथमिक उपचार गरि थप उपचारका लागि मिसन अस्पताल पाल्पा लगिएको थियो ।
पाल्पा मिसन अस्पतालमा पनि उपचार हुन नसकेपछि काठमाडौं रेफर गरिएकोमा उपचारका लागि काठमाडौं ल्याउँदै गर्दा तीनैजनाको बाटोमै मृत्यु भएको हो ।
आगलागीमा परेर गम्भीर घाइते भएका २६ वर्षीया अस्मिता वेल्वासेको मिसन अस्पतालमा उपचार भइरहेको छ ।
