प्युठान । सरुमारानी गाउँपालिका-६ मोतिपुरमा जीप दुर्घटना हुँदा ३ जना घाईते भएका छन् । लु ३ च ३८५५ नम्वरको तरकारी बोक्ने जीप प्युठानबाट दाङ फर्किने क्रममा दुर्घटना हुँदा चालक सहित ३ जना घाईते भएको प्रहरीले जनाएको छ । जीप सडकबाट माडी नदिमा खसेको छ ।
दुर्घटना चालक दाङ गढवा-६ बस्ने २५ वर्षीय प्रकाश चौधरी, प्यूठान नगरपालिका-१ खैरा बस्ने १४ वर्षीय प्रविण जिसी र लमही नगरपालिका-८ बस्ने २५ वर्षीय सन्दिप चौधरी घाईते भएको जिल्ला प्रहरी कार्यालय प्युठानले जनाएको छ । घाईतेहरुको जिल्ला अस्पताल विजुवारमा उपचार भइरहेको छ ।
