प्यूठान । माण्डवी गाउँपालिका-४ फरिन्डेमा हिजो दिउँसो पहिरोमा पुरिएर बेपत्ता भएकाको खोजी कार्य भइरहेको छ । जिल्ला प्रहरी कार्यालय प्यूठानका प्रहरी निरीक्षक सुशील थापामगरका अनुसार विहानै देखी खोजी कार्य शुरु भएको बताउनुभयो ।
पहिरोमा पुरिएर २१ वर्षीया टेकी राहुँमगर, ६० वर्षीय बोम बहादुर राहुँमगर, ५५ वर्षीया थमा बुढामगर, ६० वर्षीय हिरा बहादुर थापामगर, १८ वर्षीया मौषमी थापामगर र ४ वर्षीय शुसान्त राहुँमगर बेपत्ता भएका छन् ।
घटनास्थलमा प्रमुख जिल्ला अधिकारी सुनिता नेपाल सहितको टोली जाँदै गरेको प्रहरीले जनाएको छ ।
