प्यूठान । नवौ राष्ट्रिय खेलकुद प्रतियोगिताका लागि प्यूठानबाट २ जना खेलाडी छनौट भएका छन् । प्रदेश स्तरीय छनौट प्रतियोगितामा विजेता भएर तेक्वान्दो खेलमा दुई जना खेलाडी छनौट भएका हुन ।
८० के.जी. तौलमा गणेश भण्डारी र ५३ केजी तौलमा खुशी घर्तिमगर विजयी भएको जिल्ला खेलकुद विकास समिति प्यूठानका उपाध्यक्ष विमल प्रसाद पोख्रेलले जानकारी दिनुभयो । एथलेटिक्स विधाको प्रदेश स्तरीय छनौट खेल दाङको बेलझण्डीमा भइरहेको छ ।
अरु विधामा जिल्लाका खेलाडी विजयी हुन नसकेको उपाध्यक्ष पोख्रेलले बताउनुभयो । असोज २८ गतेदेखि कास्कीको पोखरामा नवौं राष्ट्रिय खेलकुद प्रतियोगिता हुँदैछ ।
