प्यूठान । आज १९ औं निजामती सेवा दिवस मनाईदै छ । प्यूठान सहित देशभर आज ‘व्यावसायिक र सिर्जनशील प्रशासन ः विकास, समृद्धि र सुशासन’ भन्ने नाराका साथ दिवस मनाउन लागिएको हो ।
दिवसको अवसरमा आज सरकारले १० जना कर्मचारीलाई उत्कृष्ट निजामति सेवा पुरस्कार र ३० जनालाई निजामति सेवा पुरस्कार वितरण गर्दैछ । प्यूठानबाट मञ्जु कुमारी शाहले निजामति सेवा पुरस्कार पाउनुभएको हो । जिल्ला प्रशासन कार्यालय प्यूठानमा नायव सुब्बा पदमा कार्यरत शाह मल्लरानी गाउँपालिका-४ खलंगा निवासी हुनुहुन्छ ।
