प्यूठान । नेपाल कम्युनिष्ट पार्टी (एमाले) प्यूठानले स्थानीय तहको निर्वाचनका लागि उम्मेदवार छान्ने प्रक्रिया अघि बढाएको छ । जिल्लाका स्थानीय तहहरुमा उम्मेदवार सिफारिस गर्न वडा कमिटीको बैठक बस्न थालेका छन् ।
वडा कमिटीले वडा अध्यक्ष सहित सदस्यका उम्मेदवारको नाम सिफारिस गर्दैछन् । जिल्लाका कतिपय वडाले उम्मेदवार छनौट गरिसकेका छन् भने कतिपय वडा कमिटी बैठक बस्दैछन् ।
उम्मेदवार टुंगो लगाउने आजसम्मको मिति तोकिएपनि सवै टुंगो लागिनसकेको एमाले प्यूठानले जनाएको छ । नेकपा एमाले प्यूठानका सचिव माधव शर्माका अनुशार वडा अध्यक्ष, सदस्यको वडा कमिटी र पालिका कमिटीले सिफारिस गर्ने र जिल्ला कमिटीले निणर्य गर्ने प्रावधान रहेको छ ।
पालिकाका उम्मेदवार जिल्लाले सिफारिस गर्ने र प्रदेशले टुंगो लगाउनेछ । उम्मेदवार छनौट, सिफारिसको प्रक्रिया चलिरहेको सचिव शर्माले जानकारी दिनुभयो ।
