प्यूठान । नेकपा एमालेका केन्द्रीय सदस्य सुर्य थापाले तत्कालिन प्रधानमन्त्री केपी शर्मा ओली नेतृत्वको सरकारले विकास निर्माणको धेरै काम गरेको चर्चा गर्नुभएको छ ।
सरुमारानी गाउँपालिकाको अधिवेशन उद्घाटन गर्दै उहाँले विगतका सरकारले गरेका कामको तुलनामा महत्वपूर्ण विकास निर्माणका योजना अघि बढाएको बताउनुभएको हो ।
नेता थापाले तत्कालिन नेकपालाई पुष्पकमल दाहाल प्रचण्डले कब्जा गर्न खोजेको आरोप लगाउँदै उक्त प्रयास सफल नभएको बताउनुभयो । माधव नेपालकै कारण अहिले प्रधानमन्त्री शेरबहादुर देउवा बन्न पुगेको उहाँको भनाई छ ।
भर्खरै सम्पन्न पार्टी विधान महाधिवेशनले देशभरका ५१ प्रतिशत जनतालाई नेकपा एमाले बनाउने गरि अभियान अगाडी बढेको नेता थापाले बताउनुभयो । उहाँले पार्टीमा देखिएको विभाजन नगन्य भएको भन्दै सक्रिय राजनीति र संगठन विस्तारमा लाग्न उहाँले कार्यकर्तालाई आग्रह गर्नुभयो ।
