प्यूठान, १२ असोज । जिल्लाभर अहिले एचआईभी तथा टिबि रोकथाम कार्यक्रम संचालन भएको छ ।
सेभ द चिल्ड्रेन/ ग्लोबल फन्डको सहयोगमा मल्लरानी ग्रामीण बिकास सरोकार केन्द्रले कार्यक्रम गरेको हो । भारतमा रोजगारीका लागि जाने ब्यक्ति र उनको परिवारलाई लक्षित गरि कार्यक्रम गरिएको छ ।
कार्यक्रम अन्तर्गत सोमबार मल्लरानी गाउँपालिका वडा नम्बर ३ स्थित सामुदायिक स्वास्थ्य इकाई निशानटाकुरामा महिला स्वास्थ्य स्वयंसेविकालाई कार्यक्रम सम्बन्धी अभिमुखिकरण गरिएको छ ।
कार्यक्रममा वडा अध्यक्ष गिरिराज पौडेलले कार्यक्रमले एचआईभी तथा टिबि रोकथामका लागि सहयोग गर्ने भन्दै प्रभाबकारी रुपमा अगाडी बढाउन आग्रह गर्नुभयो ।
गाउँगाउँमा निशुल्क रुपमा जाँच हुने भएकाले समेत सहज र सुलभ भएको उहाँको भनाई छ । रोग लुकाउने समस्या समेत भएकोले कार्यक्रम गर्न चुनौती समेत रहेको उहाँले बताउनुभयो । कार्यक्रम सफल बनाउन वडा कार्यालय, स्वास्थ्य संस्था, महिला स्वास्थ्य स्वयंसेविकाबीच प्रभावकारी समन्वय गरेर जानुपर्नेमा जोड दिनुभयो । यहि दसैं र तिहारको बीचमा एचआईभी परिक्षणका लागि घुम्ती शिबिर गर्ने समेत निर्णय गरिएको छ ।
