> राष्ट्रिय > सरुमारानी गाउँपालिकाका विद्यालय बन्द नहुने


सरुमारानी गाउँपालिकाका विद्यालय बन्द नहुने

प्यूठान, १८ चैत । सरुमारानी गाउँपालिकाले गाउँपालिका भित्रका विद्यालय नियमित सञ्चालन गर्ने निणर्य गरेको छ ।

 

सरकारले वायु प्रदुषणको कारण बालबालिकालाई असर पुग्ने भन्दै देशभरका विद्यालय शुक्रबारसम्म बन्द गर्ने निणर्य गरेपनि सरुमारानी गाउँपालिकाले विद्यालय बन्द नगर्ने निणर्य गरेको हो ।

 

गाउँपालिका क्षेत्रभित्र वातावरणीय असहजता सृजना नभएको, लामो समयदेखि कोभिड १९ का कारण शैक्षिक क्षति व्यहोर्नु परेको भन्दै पालिकाले विद्यालय सञ्चालन गर्ने निणर्य गरेको हो ।

 


मंसिर महिनादेखि मात्रै पठनपाठन नियमित बनेको र जेठ महिनामा वार्षिक परीक्षा सञ्चालन हुने भएकाले विद्यालय नियमित बनाउने निणर्य भएको शिक्षा शाखा प्रमुख पुष्पलाल शाहीले जानकारी दिनुभयो । गाउँपालिकामा २८ वटा सामुदायिक र ३ वटा संस्थागत विद्यालय सञ्चालनमा छन् ।

Leave a Reply

Your email address will not be published. Required fields are marked *