> राष्ट्रिय > पन्तको नेतृत्वमा मिडिया एक्सन नेपालको नयाँ कार्यसमिति चयन


पन्तको नेतृत्वमा मिडिया एक्सन नेपालको नयाँ कार्यसमिति चयन

प्यूठान, १५  फागुन । अभिव्यक्ति स्वतन्त्रता, मिडिया विकास, सूचनातथा संचार क्षेत्रमा कार्यरत संस्था मिडिया एक्सन नेपालको नयाँ नेतृत्वमा आगामी ४ वर्षका लागि सञ्चारविज्ञ लक्ष्मणदत्त पन्त चयन भएका छन । शनिबार सम्पन्नभएको मिडिया एक्सन नेपालको पाँचौं वार्षिक साधारण सभातथा दोस्रो राष्ट्रिय अधिवेशनबाट पन्तको नेतृत्वमा ७ सदस्यीय कार्यसमिति चयन भएको हो ।

सो अवसरमा आयोजित छलफल कार्यक्रममावरिष्ठ पत्रकार धुव्रहरि अधिकारीले समग्र मिडियाले निष्पक्षतथ्य समाचारलाई प्राथमिकतादिई समाचार सम्प्रेषण गर्नुपनेमा जोड दिनुभयो । उनले मिडियाबाट हुने कमीकमजोरीलाई आत्मसाथगर्दै सुधार गर्नुपर्ने बताउनुभयो । यसैगरी प्रेस काउन्सिलकापूर्व अध्यक्षएवं वरिष्ठ अधिवक्ताबोर्ण बहादुर कार्कीले पत्रकारिता क्षेत्रमाविकृति बढ्दै गएको र यसलाई सुधार्नका लागिनियमन गर्ने संस्था त छँदैछ त्यसबाहेक पत्रकार स्वयंले पनिजिम्मेवारी र उत्तरदायित्वबहन गर्नुपर्नेमा जोड दिनुभयो । उहाँले मिडिया एक्सन नेपालले पछिल्लो समयमा गरेको मिडियासम्बन्धी अनुसन्धानले यस क्षेत्रमा सुधार ल्याउन सहयोग पुग्ने बताउनुभयो ।

\

यसैगरी प्रेस काउन्सिलकाप्रमुखकार्यकारी अधिकृत झबिन्द्र भुसालले पत्रकार आचारसंहितामा रहेर काम गर्नुपर्ने भएपनि अहिले पनि मिडिया क्षेत्रमा धेरै भ्रामक र उत्तेजनात्मक सामग्रीआउने गरेको बताउनुभयो । उहाँले कतिपय अनलाइन दर्ता नै नभई सञ्चालन भइरहेको र तिनले दिने सामग्री नियमन गर्न गाह्रो पर्ने गरेको जानकारी दिनुभयो । उता राष्ट्रिय समाचार समितिका कार्यकारी सम्पादक सुर्यचन्द्र बस्नेतले मिडियामा आउने सामग्रीले सधैं सूचना मात्र नदिई कहिलेकाहीं समाजमा झनै त्रास फैलाउने गरेको बताउनुभयो। उहाँले कोरोना महामारीका बेला अनेक खालका मनोमानी हिसाबले सूचना दिंदा नागरिक त्रसित बनेको भन्दै इन्फोडेमिकको शिकार हुनपुगेको प्रसंग निकाल्नुभएको थियो । आज सम्पन्न अधिवेशनबाट नवनिर्वाचित अध्यक्ष लक्षणदत्त पन्तले मिडिया एक्सन नेपालले नेपाली मिडिया स्वतन्त्र, निष्पक्ष र उत्तरदायी हुनेपर्ने म्यान्डेट सहित अघि बढेकाले सोही बमोजिम विभिन्न छलफल, अध्ययन अनुसन्धान जस्ता कार्यक्रम गर्दै आएको बताउनुभयो । साथै यस संस्थाले अन्तरािष्ट्रय स्तरमै यस्ता छलफल, नीतिनिर्माणमा समेत सहयोग पुग्ने गरी कार्यक्रमहरु आयोजना गरिरहेको जानकारी दिनुभयो ।

 

आज सम्पन्नअधिवेशनबाट उपाध्यक्षमा प्रियंका झा,सचिवमा आरती शिल्पकार, कोषाध्यक्षमा दीपा केसी चयन भएका छन्। साथै सदस्यहरुमा यमबहादुर दूरा, गणेश प्रसाद घिमिरे र आशिष मिश्र चयन भएका छन्। यसैगरी संस्थाले ७ वटै प्रदेशमा संयोजक समेत चयन गरेको छ । प्रदेश १ मा नरेन्द्र ढकाल, प्रदेश २ मा हदिस खुद्दार, बाग्मतीमा मधुसुदन दवाडी, गण्डकीमा सुनिता आचार्य, लुम्बिनीमा सन्जु पौडेल, कर्णलीमा ललित बुढा र सुदूरपश्चिममा उमाकान्त जोशी चयन भएका छन्।यसैगरी संस्थाको सल्लाहकाहरुमा वरिष्ठ पत्रकार भारतदत्त कोइराला, धुव्रहरी अधिकारी, माधवशर्मा र वरिष्ठ अधिवक्ता एवं प्रेस काउन्सिल नेपालकापूर्व अध्यक्ष बोर्ण बहादुर कार्की रहेका छन्।

 

त्यसैगरी मानार्थ सदस्यमा अन्तराष्ट्रिय विज्ञहरुलाई राखिएको छ। दुबईको खालिफा विश्वविद्यालयकी डा सादिया जामिल, यूनिभर्सिटी अफ एजुकेसन घानाकी डा गिफ्टी आपिहअदजेइ, डोगस विश्वविद्यालय टर्कीका प्राध्यापक डा वारिश कोबान, युनिभसिंटी अफपिस भेनेजुयलाका डा मारिया टेरेसा, किर्गिस्तानको अनलाइन युनिभर्सिटीका अध्यक्ष डा इलिरा तुरदुभावे, बंगलादेशका प्राध्यापक डा जुड विलियम जिनिलो र फिलिपिन्सको एसियन एन्स्टिच्युट अफजर्नालिजम एण्ड कम्युनिकेसनका निर्देशक थेरेसे पार्टिसिया सन डिगो थम्स रहेका छन्।

Leave a Reply

Your email address will not be published. Required fields are marked *