प्यूठान, १८ कात्तिक । प्यूठानमा जुवा खेलिरहेका १० जनालाई प्यूठान प्रहरीले पक्राउ गरेको छ ।
सोमवार राती माण्डवी गाउँपालिका ३ लामाचौरमा जुवा खेलिरहेका अवस्थामा उनीहरुलाई पक्राउ गरिएको जिल्ला प्रहरी कार्यालय प्यूठानले जनाएको छ । पक्राउ परेकाको साथबाट १ लाख ६८ हजार ४० रुपैयाँ पनि बरामद भएको जिल्ला प्रहरी कार्यालय प्यूठानका प्रहरी निरीक्षक पोषणराज ढकालले जानकारी दिनुभयो । उनिहरुलाई पक्राउ गरी ७ दिन म्याद थप गरी अनुसन्धान भईरहेको प्रहरीले जनाएको छ ।
