प्यूठान, २७ साउन । प्यूठानको माण्डवी गाउँपालिकामा कार्यरत कर्मचारीलाई कोरोना संक्रमण देखिएको छ ।
गाउँपालिकामा कार्यरत पुरुष कर्मचारीलाई कोरोना देखिएपछि आजदेखि गाउँपालिकाको कार्यालय अनिश्चितकालका लागि बन्द गरिएको प्रमुख प्रशासकीय अधिकृत शिसिर रिजालले जानकारी दिनुभयो ।
“सवैजना कर्मचारी अफिसमा थियौ आज रिर्पोट पोजेटिभ आएको थाहा भयो” उहाँले भन्नुभयो, “कर्मचारीको स्वाव संकलनको काम गर्दैछौं ।” स्वावको नतिजाको आधारमा आगामी दिनमा कार्यालय खोलिने उहाँले जानकारी दिनुभयो ।
माण्डवीमा हालसम्म ८३ जनामा कोरोना पोजेटिभ देखिएको छ ।
