प्यूठान । नेपाली कांग्रेसका महामन्त्री गगन थापा भोलि सोमवार प्यूठान आउँदै हुनुहुन्छ । नेपाली कांग्रेस प्यूठानले प्यूठान नगरपालिका–३ बालमन्दिरमा आयोजना गरेको आमसभालाई सम्वोधन गर्न नेता थापा प्यूठान आउन लाग्नुभएको हो ।
समसामयिक राजनीतिक परिवेशका बारेमा जनतामा कांग्रेसको धारणा राख्न आमसभा आयोजना गरिएको कांग्रेस प्यूठानले जनाएकोछ । कार्यक्रमको सम्पूर्ण तयारी पुरा भएको जिल्ला सभापति विष्णु कुमार गिरीले जानकारी दिनुभयो ।
महामन्त्री थापासँगै आमसभालाई केन्द्रीय सदस्य डा.गोविन्दराज पोख्रेल, उमेशजंग रायमाझि, राधा घले लगायत नेताहरुले सम्वोधन गर्ने कार्यक्रम रहेको छ ।
