प्युठान । जिल्लाको गौमुखी गाउँपालिका वडा नम्वर ५ खुङमा ट्याक्टर दुर्घटना हुँदा चालकको मृत्यु भएको छ । बुधबार राती दुर्घटनामा परि घाइते भएका २२ वर्षीय सुमन हमालको जिल्ला अस्पताल बिजुवारमा उपचारको क्रममा मृत्यु भएको जिल्ला प्रहरी कार्यालय प्युठानका सूचना अधिकारी सुशिल थापामगरले जानकारी दिनुभयो ।
गौमुखीको सालीबिसौनाबाट ठूलाबेसी तर्फ जादै गरेको लु ४ त १२२५ नम्वरको खाली ट्याक्टर अनियन्त्रीत भई दुर्घटना परेको थियो । ट्याक्टर सडकदेखि २० मिटर तल खसको छ । दुर्घटनामा गौमुखी गाउँपालिका वडा नम्वर ५ ठूलाबेसीका सहचालक सुरज मल्ल घाइते भएका छन् । मल्लको जिल्ला अस्पतालमा उपचार पछि थप उपचारका लागि बुटवल रिफर गरिएको छ ।
