माधव खनाल
अर्घाखाँची । अर्घाखाँचीमा बिजुलीको पोल बाट खसेर १ जनाको ज्यान गएको छ । सन्धिखर्क नगरपालिका-८ किमडाँडामा बिजुलीको पोलमा तार जोडिरहेको बेला किमडाँडा बाट कपिलवस्तु आउदै गरेको लु १ ख ९५२० नम्बरको ट्रकको छतले तार तानेपछी पोलको टुप्पोबाट खस्दा ४२ बर्षिय कृष्ण बहादुर रानाको घटनास्थलमै मृत्यु भएको प्रहरीले जनाएको छ ।
दुर्घटनामा परि अर्का सोही ठाउँका ४५ बर्षिय शिव बहादुर राना शक्त घाईते हुनुभएको छ । घाईते रानालाई उपचारका लागि सन्धिखर्क जिल्ला अस्पताल ल्याईएको छ । ट्रक र चालकलाई प्रहरीले नियन्त्रणमा लिएर अनुसन्धान सुरू गरेको छ ।
