प्युठान । माण्डबी गाउँपालिका- ५ रम्दी चिनमा ट्याक्टर दुर्घटना हुदा एक जनाको ज्यान गएको छ । रा १ त ४१५६ नम्बरको ट्याक्टर दुर्घटनामा नौबहिनी गाउँपालिका-१ स्याउलिवाङ निवासी २५ वर्षीया चम्फा बि.क.को ज्यान गएको प्रहरीले जनाएको छ ।
दुर्घटनामा चालक नौबहिनी गाउँपालिका-५ डामृका १९ वर्षीय बिक्रम परियार,नौबहिनी गाउँपालिका-१ ठुलोगाउँका १८ वर्षीय दुर्गा बि.क. र गौमुखी गाउँपालिका-६ लिवाङका २० वर्षीय बिक्रम बोहरा रहेको प्रहरी निरीक्षक शुसिल थापा मगरले जानकारी दिनुभयो ।
सडक निर्माणको सामाग्री लगेर फर्किने क्रममा ट्याक्टर दुर्घटना भएको उहाँले बताउनुभयो । घाइतेहरुको जिल्ला अस्पताल बिजुवारमा उपचार भइरहेको छ ।
