प्युठान । नेपाली राष्ट्रिय क्रिकेट टिमका खेलाडी प्रतिश जि.सी.लाई जिल्लामा आज सम्मान गरिएको छ । झिमरुक गाउँपालिका-३ मा जन्मिएका जि.सीलाई जिल्ला समन्वय समिति प्युठान, मल्लरानी गाउँपालिका र जिल्ला खेलकुद बिकास समितिले सम्मान गरेको हो ।
जिल्ला समन्वय समिति प्युठानको सभाहलमा भएको सम्मान कार्यक्रममा खेलाडी जिसीले आफुले सम्मान सहितको रकमले जिल्लाका विद्यालयमा खेलकुद सामाग्री सहयोग गर्ने घोषणा गर्नुभएको छ ।
खेलाडी जि.सी.लाई जिल्ला समन्वय समितिले २५ हजार, मल्लरानी गाउँपालिकाले २५ हजार र जिल्ला खेलकुद बिकास समितिले १० हजार रुपियाँ सहयोग गर्ने जनाएका छन ।
