प्यूठान । नेपाल व्यावसायिक बाख्रापालक महासंघ प्युठानले किसान र कृषि प्राविधिकलाइ सम्मान गरेकाे छ । जुम्रीमा सम्पन्न तेस्रो साधारण सभाकाे अवसरमा महासंघले विभिन्न क्षेत्रमा उत्कृष्ट काम गर्ने विभिन्न व्यवसायी र कृषि प्राविधिकलाइ सम्मान गरेकाे हाे ।
पशु आहारमा उत्कृष्ट कार्य गरेबापत महिला उद्धमी फलफुल जडिबुटी तथा डालेघास नर्सरी फर्म गौमुखी ६ लिवाङ प्युठान कि सन्चालक मिठा कुमारी केसी, बाख्रा पालन तर्फ उत्कृष्ट युबा कृषक जयमा दुर्गाश्री कृषि तथा पशुपन्क्षी फर्म गौमुखी ५ खुङ का सन्चालक रबिन्द्र मल्ल,सङै जिल्लामा कृषकहरुको समस्या समाधानका लागि प्राबिधिक क्षेत्रमा योगदान पुर्याए बापत प्युठान नपा ४ मा रहेको किसान एग्रोभेट सन्चालक गिरिराज पौडेल र बाख्रापालन तर्फ उत्कृष्ट कृषकको रुपमा ऐरावती गाउँपालिका ३ मा रहेको राम्रीथुम कृषि तथा पशुपालन फर्मका सन्चालक प्रेम पुन लाई सम्मान गरिएको थियो ।
जिल्ला अध्यक्ष राम बहादुर महतराको अध्यक्षता, केन्द्रिय सचिब सन्तोष केसीकाे प्रमुख आतिथ्यता, ठान नगरपालिका पशु सेवा साखा प्रमुख गिरि राज पौडेल को विशेष आथित्यता रहेको थियो । कार्यक्रमकाे सञ्चालन सचिब पदम बहादुर केसीले गर्नुभएकाे थियो।
