प्यूठान । माण्डवी गाउँपालिका–४ फरिण्डेमा पहिरोले चार घर पुरिएको छ । पहिरोमा ६ जना व्यक्ति पुरिएको अपुष्ट खवर प्राप्त भएको जिल्ला प्रहरी कार्यालय प्यूठानले जनाएको छ । घटना स्थलमा जिल्लाबाट प्रहरीको टोलि गएको प्रहरी निरीक्षक सुशील थापा मगरले जानकारी दिनुभयो ।
स्थानीय बोम बहादुर बुढामगरको घर पहिरोले पुरिएको वडा अध्यक्ष डिल बहादुर घर्तिले जानकारी दिनुभयो । सोेही ठाउँका अरु घरका मानिसहरुलाई सुरक्षित स्थानमा लगिएको उहाँले बताउनुभयो । वडाका अरु बस्तीहरु पनि जोखिममा रहेका छन् ।
