प्यूठान । अन्र्तराष्ट्रिय युवा दिवस प्यूठानमा मनाईएको छ । जिल्लामा रहेको जिल्ला युवा समिति प्यूठान, बास नेपाल जिल्ला शाखा प्यूठान र नेपाल स्काउट मल्लरानीले संयुक्त रुपमा दिवसको अवसरमा पर्यटकीय स्थल मल्लरानन्ीमा वृक्षारोपण र सरसफाई कार्यक्रम आयोजना गरेका हुन ।
मल्लरानीमा धुपीको विरुवा र फूलका विरुवा रोपिएको छ । युवाहरुलाई सामाजिक कार्यमा जोड्नका लागि दिवसको अवसरमा कार्यक्रम आयोजना गरिएको वास नेपाल जिल्ला शाखा प्यूठानका अध्यक्ष जुमानसिंह केसीले बताउनुभयो ।
जिल्ला युवा समिति प्यूठानका अध्यक्ष रामचन्द्र केसीले युवाहरु हरेक क्षेत्रमा सक्रिय भएर अघि बढ्न्पर्ने बताउनुभयो । उहाँले समितिले जिल्लाका सवै निकायसँग समन्वय र सहकार्य गर्दै युवा हकहितका लागि काम गर्ने गरेको बताउनुभयो ।
