प्यूठान । माण्डवी गाउँपालिका वडा नं. २ स्थित गणेश आधारभुत विद्यालयको व्यवस्थापन समिति चयनका लागि चुनाव भएको छ ।
व्यवस्थापन समितिका लागि नेपाली कांग्रेस, नेकपा माओवादी केन्द्र र विप्लव नेतृत्वको नेकपाको गठबन्धन तथा नेकपा एमालेबीच प्रतिस्पर्धा भएको हो ।
चुनावमा एमालेका उम्मेदवार हुम बहादुर घर्ति विजयी हुनुभएको छ । घर्तिले ६९ मत ल्याउनुभयो भने गठबन्धनका उम्मेदवार वर्तमान अध्यक्ष दुर्गा बहादुर खत्रीले ५१ मत ल्याउनुभयो ।
त्यसैगरि शिक्षक अभिभावक संघमा खिम बहादुर घर्तिले ६९ मत ल्याएर विजयी हुनुभयो भने अमर बहादुर घर्तिले ५१ मत ल्याउनुभएको छ ।
स्थानीयले विद्यालय व्यवस्थापन समितिका अध्यक्ष खत्रीको राजीनामा माग गर्दै विरोध गरेका थिए । खत्रीले राजिनामा नदिएपछि गाउँपालिकाको सहमतिमा नयाँ नेतृत्व चयनका लागि निर्वाचन भएको थियो ।
