> राष्ट्रिय > स्वर्गद्धारीमा दुर्घटनामा घाईते सन्दिपको उपचारका लागि आर्थिक अभाव


स्वर्गद्धारीमा दुर्घटनामा घाईते सन्दिपको उपचारका लागि आर्थिक अभाव

प्यूठान, १७ बैशाख । स्वर्गद्धारीमा जीप दुर्घटनामा घाईते हुनुभएका सन्दिप परियारको उपचारका लागि आर्थिक अभाव भएको छ ।

 

शिक्षण अस्पतालको आईसियुमा उपचाररत परियारको थप उपचारमा आर्थिक समस्या परेको परिवारले जनाएको छ ।

 

बैशाख १ गते स्वर्गद्धारी दर्शनका लागि गएको जीप दुर्घटनामा परेर प्यूठान मल्लरानी गाउँपालिका ३ चौरपानी निवासी सन्दिप परियार घाईते हुनुभएको हो । उहाँको टाउकोमा चोट लागेको थियो ।

 

जिल्ला प्रशासन कार्यालय गुल्मीमा कार्यरत २८ वर्षीय सन्दिपको उपचारका लागि परिवारले सहयोग अभियान समेत चलाएको स्थानीय कृष्णराज पाण्डेले जानकारी दिनुभयो ।

 

जीप दुर्घटनामा ५ जनाको मृत्यु भएको थियो भने १२ जना घाईते भएका थिए ।

Leave a Reply

Your email address will not be published. Required fields are marked *