प्यूठान । झिमरुक गाउँपालिका-१ ओखरेनी खोला दोभान स्थित खोलाको किनारमा ढुङगाको कोपेरामा दुई वटा भरुवा बन्दुक फेला परेको छ ।
१ नाल साबुत र १ नाल बेसाबुत अबैध भरुवा बन्दुक बेवारिसे अवस्थामा फेला परेको जिल्ला प्रहरी कार्यालय प्यूठान सूचना अधिकारी प्रहरी निरीक्षक गणेश ज्ञवालीले जानकारी दिनुभयो ।
अस्थायी प्रहरी पोष्ट सौतामारेबाट प्रहरी हवल्दार जीवन खत्रीको नेतृत्वको दुई जनाको टोलीले बन्दुक फेला पारी नियन्त्रणमा लिएको जिल्ला प्रहरी कार्यालयले जनाएको छ ।
तस्बिर : सौतामारेफेदी जंगलमा भेटिएको भरुवा बन्दुक ।
