प्यूठान । हिजो बेलुका पहिरोले सरुमारानी गाउँपालिका-६ बुढीचाैरको वडा कार्यालय सहित घरहरुमा क्षति पुगेको छ । हिजो बेलुका करीव ८ बजेतिर पहिरोले वडा कार्यालय सहितको घर पुरिएको छ । वडा भवन माथीबाट पहिरो खसेको स्थानीय ताल बहादुर पुनले जानकारी दिनुभयो ।
त्यसैगरि पहिरोले वडा कार्यालय तल रहेका ३ वटा घरमा क्षति पुगेको छ । वडा कार्यालय माथीबाट आएको पहिरोले उक्त घरमा क्षति पुगेको पुनले बताउनुभयो । पहिरोले घर गोठ पुरिदा पशु चौपाया मरेका छन ।
