प्यूठान । हिजो भएको जीप दुर्घटनामा मृत्यु हुनेको संख्या ३ पुगेको छ । दुर्घटनामा गाडी चालक २५ वर्षीय लुकेश थापाको मृत्यु भएको प्रहरीले जनाएको छ ।
घाईतेहरुको जिल्ला अस्पताल विजुवारमा उपचार भइरहेको छ । घाईते ऐरावती गाउँपालिका वडा नं. ५ खवाङका २८ वर्षीय गोविद केसी, नौबहिनी गाउँपालिका २ लिघाका २६ वर्षीय लक्ष्मी घर्तिमगर, सोही ठाउँका ५२ वर्षीय मिनराज सुनार, ३० वर्षीय दल बहादुर खत्री, नौबहिनी १ का २६ वर्षीय इन्द्र बहादुर बुढामगरको उपचार भइरहेको छ ।
त्यसैगरि नौबहिनी ५ का २३ वर्षीय रविन घर्तिमगर, १८ वर्षीय धनमाला थापामगर, ११ वर्षीय रोशन थापा मगर, २८ वर्षीय हुम बहादुर बुढामगर, २८ वर्षीय मिनराज राना क्षेत्री, ६० वर्षीया दिलसरी विक, २२ वर्षीया दिलमाया थापा, ११ वर्षीया रियासा थापा, २५ वर्षीया रेमसरा बुढामगर र रोल्पा लुंग्री गाउँपालिका १ का १२ वर्षीया अस्मिता पुन दुर्घटनामा घाईते हुनुभएको प्रहरीले जनाएको छ ।
