प्युठान । जिल्लाको माण्डवी गाउँपालिकामा संचालन भएको
प्रथम अध्यक्ष कप खुल्ला पुरुष भलिबल प्रतियोगिताको प्रथम पुरस्कार सुनिलस्मृति गाउँपालिका रोल्पाले प्राप्त गरेको छ।
अन्तिम खेलमा गौमुखी गाउँपालिकालाई हराउँदै उपाधी जित्न सफल भएको हो ।
प्रतियोगितामा गौमुखी गाउँपालिकाले दोस्रो र सरुमारानी गाउँपालिकाले तेस्रो स्थान हासिल गरेको छ ।
प्रथमले रु २ लाख, दोस्रोले नगद रु १ लाख २५ हजार र तेस्रोले नगद रु ७५ हजार, ट्रफी, मेडल र प्रमाणपत्र प्रदान प्राप्त गरेका छन ।
“स्वास्थ्यको लागि खेलकुद, राष्ट्रका लागि खेलकुद” भन्ने प्रमुख नारासहित राष्ट्रव्यापी अन्तर स्थानीय तह भलिबल प्रतियोगिता-२०८० माण्डवी गाउँपालिका-३ मार्सिवाङ खेलकुद मैदानमा ३ दिन संचालन भएको थियो ।
